tonlsitarskolirnb

Vegna veðurs, fimmtudag 26. mars

Wed, 25 Mar 2026 21:05:53 GMT

Kennsla fellur niður fyrir hádegi

Vegna slæmrar veðurspár, sem hljóðar uppá appelsínugula viðvörun, sem og vegna spár um erfið akstursskilyrði á Reykjanesbrautinni, en margir af kennurum okkar koma hingað af höfuðborgarsvæðinu, fellur hljóðfærakennslan í grunnskólunum niður í fyrramálið og fram yfir hádegi. Samkvæmt veðurspám á verðið að ganga niður strax upp úr hádeginu og við vonumst til að það gangi eftir. Það verður því eðlilegt skólastarf upp úr hádeginu í Tónlistarskóla Reykjanesbæjar.

Vel heppnaðir forskólatónleikar 2026

Tue, 24 Mar 2026 15:26:43 GMT

.

Miðvikudaginn 18. mars 2026 voru haldnir stór-tónleikar Forskóla 2 í Stapa sem heppnuðust ákaflega vel. Með stórum hópi forskólaneman spilaði eldri Lúðrasveit Tónlistarskólans undir stjórn Ragnheiðar Eirar Magnúsdóttur.

Óperu tónleikar í Stapa

Fri, 13 Mar 2026 12:57:12 GMT

Óperustúdíó Norðuróps og Tónlistarskóla Reykjanesbæjar verður með Masterklassa í óperusöng í Stapa laugardaginn 14. og sunnudaginn 15. mars n.k. fyrir nemendur Óperustúdíósins. Leiðbeinandi verður óperusöngkonan Arnheiður Eiríksdóttir sem gerir nú garðinn frægan hér heima og erlendis. Hún var valin ungstirni óperuheimsins á Alþjóðlegu Óperuverðlaununum í Munchen árið 2024. Arnheiður er nú fastráðinn einsöngvari við Þjóðaróperuna í Prag. Hún söng eftirminnilega á Galatónleikum Norðuróps og Tónlistarskóla Reykjanesbæjar í Stapa haustið 2024 og það er mikill fengur að fá hana aftur til liðs við okkur.

Dagskrá sunnudagsins endar svo með glæsilegum óperutónleikum í Stapa kl.16:00 þar sem þátttakendur masterklassans koma fram og hver veit nema Arnheiður "taki lagið" líka.

Á tónleikana verður gengið inn um inngang Stapa. Frítt inn og allir hjartanlega velkomnir.

Frjáls framlög verða hins vegar vel þegin, en þau munu renna upp í kostnað við næstu uppfærslu Óperustúdíósins.

Um er að ræða gamanóperuna Gianni Schicchi eftir Puccini sem sýnd verður í Stapa. Frumsýning verður föstudaginn 15. maí n.k.

Hljóðfærakynning fyrir Forskóla 2 á Degi Tónlistarskólans

Thu, 05 Feb 2026 15:18:27 GMT

Tónlistarskóli Reykjanesbæjar efnir til hinnar árlegu hljóðfærakynningar fyrir nemendur Forskóla 2, laugardaginn 7. febrúar n.k., sem er árlegur „Dagur tónlistarskólans“ hér á landi. Nemendur í Forskóla 2 eru öll börn í Reykjanesbæ í 2. bekk grunnskólanna.

Dagskráin hefst kl. 10:30 í Stapa, Hljómahöll, með stuttum tónleikum forskólanemendanna þar sem þeir flytja 2 hressileg lög við undirleik kennara- og nemendahljómsveitar Tónlistarskólans. Að tónleikunum loknum færa allir sig yfir í Tónlistarskólann þar sem forskólanemendurnir fá kynningar á þeim hljóðfærum sem hæfa ungum börnum að læra á. Það verða kennarar skólans sem sjá um kynningarnar og njóta aðstoðar nokkurra nemenda sem komnir eru vel áleiðis í hljóðfæranámi. Nemendur forskólans fá ekki aðeins kynningu, heldur fá þeir að handleika og prófa hljóðfærin og verður þeim leiðbeint við það.

Hljóðfærakynningunni lýkur kl.12:15.

Vinnustytting, miðvikudag 26. nóvember

Wed, 26 Nov 2025 10:21:35 GMT

Miðvikudaginn 26. nóvember 2025 er vinnustytting hér í Tónlistarskólnum.

Það verður því engin kennsla þann dag, þar með talin forskóla-kennsla í grunnskólum.

Strengjasveitin Spiccato ásamt nemendum TR

Thu, 06 Nov 2025 14:08:28 GMT

Sunnudaginn 9. nóvember kl. 16:00 mun Strengjasveitin Spiccato spila Tchaikovsky Serenöðu fyrir strengi ásamt nokkrum styttri verkum. Með á tónleikunum leikur eldri strengjasveit Tónlistarskóla Reykjanesbæjar og einnig mun Gisselle Pinto, fiðlunemandi við skólann leika eitt verk við undirleik Spiccato.

Tónleikarnir eru í Bergi, sal Tónlistaskólans og eru tæpur klukkutími að lengd.

Ókeypis aðgangur og allir velkomnir!

Frí föstudaginn 10. október 2025 vegna svæðisþings

Thu, 09 Oct 2025 12:24:52 GMT

Svæðisþing Tónlistarskólakennara

Föstudaginn 10. október eru allir tónlistarkennarar í FT (Félag Tónlistarskólakennara) á svæðisþingi svo kennsla fellur að mestu niður. Nemendur fá upplýsingar hver hjá sínum kennara, en langflestir kennarar við Tónlistarskóla Reykjanesbæjar kenna ekki þennan dag. Einnig má fá nánari upplýsingar á skrifstofu skólans sem verður opin, sími: 420-1400 eða tölvupóstur: tonlistarskoli@tonrnb.is .

Vortónleikar!

Mon, 12 May 2025 16:34:04 GMT

Vortónleikar - Stúdentsprófstónleikar - Framhaldsprófstónleikar - Skólaslit

Nú fer að styttast í annan endann á skólaárinu hjá okkur í Tónlistarskólanum og hér fyrir neðan má finna Tónvísi - maí 2025, en þar eru allar upplýsingar um dag- og tímasetningar á tónleikum fyrir vorið.

Síðasti kennsludagur er svo föstudaginn 23. maí og skólaslit um kvöldið í Stapa kl. 18:00.

Endurnýjun umsókna fyrir skólaárið 2025-26

Tue, 06 May 2025 14:38:37 GMT

kæru nemendur og forráðamenn

Umsóknarferli í nýjum gagnagrunni íslenskra tónlistarskóla samræmist því miður ekki þeim kröfum um upplýsingar sem við gerum til umsókna um skólavist.

Því biðjum við alla nemendur (forráðamenn) sem stunda nám við skólann á þessu skólaári, að svara þessum tölvupósti.

• Þeir sem ætla að halda áfram námi næsta skólaár verða að svara þessum pósti með nafni nemanda og hvort hann ætli að halda áfram námi eða ekki.

Allir verða að láta vita af eða á.

• Ef þið þurfið að tilkynna breytingar á grunnupplýsingum, eins og um breytt netfang, símanúmer, heimilisfang eða beiðni um að skipta um hljóðfæri eða breyta námshlutfalli, biðjum við ykkur um að láta okkur vita, hvort sem það er um breytingu eða vegna beiðni um annað.

Síðasti dagur til að svara þessum tölvupósti og þar með til að tryggja sér skólavist næsta skólaár, er föstudagurinn 9.maí n.k.

Tónleikar Lúðrasveita TR

Tue, 06 May 2025 14:30:08 GMT

Stór Tónleikar Rytmísku Deildar

Mon, 24 Mar 2025 13:35:15 GMT

Þéttsveitin, ein af hljómsveitum Rytmískrar deildar skólans, heldur Stórkonsert í salnum okkar fína, Bergi í Hljómahöll, þriðjudaginn 25. mars kl. 20:00 ásamt valinkunnum söngnemendum deildarinnar.

Yfirskrift tónleikanna er "Manstu ekki eftir mér?"

Það verður ókeypis inn og við hvetjum eindregið til þéttrar mætingar.

Hér er hlekkur á viðburðinn þar sem eru nánari upplýsingar um þessa áhugaverðu tónleika.

https://fb.me/e/7dzfAlT6d

Forskóla-tónleikarnir 2025

Mon, 17 Mar 2025 12:50:33 GMT

Söngtónleikar í Ytri-Njarðvíkurkirkju

Sat, 01 Mar 2025 10:42:26 GMT

Söngtónleikar!

Óperustúdíó Norðuróps og Tónlistarskóla Reykjanesbæjar halda söngtónleika í Bíósal Duus-húsa, Reykjanesbæ, sunnudaginn 2. mars kl. 16:00.

Fluttar verða aríur eftir Mozart, Bellini, Puccini, Lehar, Herbert, Verdi, Ponichelli og Donizetti.

Fram koma:

Antonia Hevesi, píanó

Birna Rúnarsdóttir, sópran

Guðrún Hildur Jóhannsdóttir, sópran

Ingi Eggert Ásbjarnarson, bassi

Jelena Raschke, sópran

Júlíus Karl Einarsson, tenor

Linda Pálína Sigurðardóttir, sópran

Marius Kraujalis, tenor

Rosita Rozalinda Kraujalené, sópran

Steinunn Björg Ólafsdóttir, sópran

Ösp Birgisdóttir, mezzosópran

Aðgangur ókeypis og allir velkomnir.

Vinnutímastytting mánudaginn 24. febrúar

Sun, 23 Feb 2025 21:31:15 GMT

Mánudaginn 24. febrúar 2025 verður Tónlistarskólinn lokaður vegna vinnustyttingar.

Dagur tónlistarskólans og Hljómanótt

Fri, 07 Feb 2025 10:55:44 GMT

Tónlistarskólar landsins eru um 90 talsins og standa fyrir fjölbreyttu og öflugu skólastarfi. Hátíðisdagur þeirra, „Dagur tónlistarskólans“, er haldinn 7. febrúar ár hvert. Þann dag fæddist Gylfi Þ. Gíslason sem var menntamálaráðherra frá 1956-1971, en hann hefur gjarnan verið kallaður „faðir íslenskra tónlistarskóla“. Gylfi kom því í gegn á ráðherratíð sinni að sveitarfélög sem hefðu hug á því að stofna tónlistarskóla fengju til þess styrk úr ríkissjóði sem næmi 25% af launakostnaði. Síðar var hann aðal hvatamaðurinn að því að launaframlag ríkisins var aukið í 50% sem varð sveitarfélögum enn meiri hvatning til að stofna tónlistarskóla og þá fjölgaði þeim umtalsvert. Íslenskt tónlistarlíf og -menntun mun alla tíð búa að framsýni Gylfa Þ. Gíslasonar og áhuga hans á aukinni, markvissri tónlistarmenntun þjóðarinnar.

Í tilefni af Degi tónlistarskólanna hafa íslenskir tónlistarskólar efnt til ýmis konar viðburða og/eða kynninga í gegn um tíðina með það að markmiði að auka sýnileika og styrkja tengsl við nærsamfélagið. Tónlistarskóli Reykjanesbæjar hefur ekki verið eftirbátur annarra í því og hefur alla tíð haldið þessum degi á lofti.

Á morgun, föstudaginn 7. febrúar, á „Degi tónlistarskólans“, efna nokkrir tónlistarskólar á suðvesturhorninu, m.a. Tónlistarskóli Reykjanesbæjar og Tónlistarskólinn í Garði, til svokallaðrar Hljómanætur sem rytmískrar deildir skólanna standa fyrir. Að þessu sinni verður Hljómanótt haldin í Garðaskóla í Garðabæ. Þá sameinast nemendur og æfa saman í hljómsveitum undir handleiðslu kennara deildanna. Dagskrá Hljómanætur lýkur svo með tónleikum á miðnætti. Sérstakir gestir verða Una Torfa og Sigrún Kristbjörg Jónsdóttir sem munu vinna sérstaklega með nemendum.

En veislan heldur áfram og í tilefni af Degi tónlistarskólanna efnir skólinn til hljóðfærakynningar í Tónlistarskólanum, laugardaginn 8. febrúar n.k. fyrir nemendur í Forskóla 2, en það eru öll börn í Reykjanesbæ í 2. bekk grunnskólanna. Umfjöllun um hljóðfærakynninguna er hér á síðunni.

Forskóladagurinn 2025

Fri, 07 Feb 2025 10:42:36 GMT

Hljóðfærakynning fyrir Forskóla 2 og Kaffisala Strengjasveitarinnar

Við efnum til hinnar árlegu hljóðfærakynningar fyrir nemendur Forskóla 2 n.k. laugardag þann 8. febrúar. Nemendur í Forskóla 2 eru öll börn í Reykjanesbæ í 2. bekk grunnskólanna. Dagskráin hefst kl.10:30 í Stapa, Hljómahöll, með stuttum tónleikum forskólanemendanna sem flytja 2 hressileg lög við undirleik kennarahljómsveitar Tónlistarskólans. Að tónleikunum loknum fá nemendurnir kynningar í stofum Tónlistarskólans á þeim hljóðfærum sem hæfa ungum börnum að hefja nám á að loknu forskólanáminu. Það verða kennarar skólans sem sjá um kynningarnar ásamt nokkrum nemendum. Nemendur forskólans fá að handleika og prófa hljóðfærin og munu tónlistarkennararnir leiðbeina þeim við það. Hljóðfærakynningunni og þar með dagskránni, lýkur kl.12:15.

Lúðrasveit TR mun leika nokkur lög og foreldrafélag Strengjasveitar TR verður með vöfflu- og kaffisölu meðan á hljóðfærakynningunni stendur, en það er fjáröflun vegna tónleikaferðar Strengjasveitarinnar til Danmerkur og Svíþjóðar sem farin verður um miðjan maí.

Skólastarf fimmtudaginn 6. febrúar 2025

Wed, 05 Feb 2025 19:10:22 GMT

Tilkynning frá Tónlistarskóla Reykjanesbæjar

Allt skólastarf í Tónlistarskóla Reykjanesbæjar fellur niður fimmtudaginn 6. febrúar til kl. 14:00, vegna rauðrar veðurviðvörunar. Athugið að tónlistarkennarar munu ekki geta kennt í grunnskólum eftir kl. 14, svo best er að hafa samband við viðkomandi kennara varðandi nýja staðsetningu.

Gleðileg jól!

Thu, 19 Dec 2024 21:54:05 GMT

Jólafrí Tónlistarskólans 2024

Síðasti kennsludagur Tónlistaskólans er föstudagurinn 20. desember.

Kennsla hefst að nýju samkvæmt stundaskrá þriðjudaginn 7. janúar 2025.

Um leið og við þökkum vinum og velunnurum fyrir samstarfið á liðnu ári óskum við ykkur öllum gleðilegra jóla.

Jólatónleikar 2024

Thu, 05 Dec 2024 15:19:17 GMT

Jóla-Tónvísir 2024

Hér er Tónvísir fyrir jólatónleika Tónlistarskólans árið 2024.

Vinnustytting og LÚÐRASVEITARTÓNLEIKAR!

Tue, 26 Nov 2024 16:49:45 GMT

Miðvikudaginn 27. nóvember er vinnustyttingardagur hjá Tónlistarskólanum, sem þýðir að öll kennsla fellur niður.

Það eru þó ekki allir í fríi því að Lúðrasveitirnar ætla að halda frábæra tónleika

miðvikudaginn 27. nóvember kl. 17:30 í Stapa.

Allir velkomnir!

Ný heimasíða

Thu, 19 Sep 2024 09:27:12 GMT

Ný heimasíða Tónlistarskóla Reykjanesbæjar er komin í loftið. Enn er verið að uppfæra síðuna, en hún býður nú þegar upp á aðgengilegar upplýsingar fyrir nemendur og forráðamenn. Frekari efni og upplýsingar munu bætast við á næstu dögum.

Öskudagur og vinnustytting

Tue, 20 Feb 2024 13:23:45 GMT

Miðvikudaginn 22. febrúar, öskudag, er starfsdagur hjá starfsfólki skólans.
Fimmtudaginn 23. febrúar er vinnustytting. Engin kennsla er þessa tvo daga, hvorki einka- né hóptímakennsla.

Tónleikar 20 febrúar 2024

Mon, 19 Feb 2024 13:23:18 GMT

Mánudaginn 20. febrúar fara fram almennir nemendatónleikar þar sem nemendur úr flestum deildum skólans koma fram. Tónleikarnir hefjast kl. 17:30 og eru í Ytri-Njarðvíkurkirkju.