Lúðrasveitir TR

Í tónlistarskólanum starfa fjórar lúðrasveitir. Sveitunum er skipt eftir getu og aldri í A1, A2, B og C sveit. Lúðrasveit er skyldunámsgrein fyrir alla sem stunda nám á blásturshljóðfæri og ásláttarhljóðfæri. Í gegnum lúðrasveitastarfið læra nemendur að spila saman undir stjórn hljómsveitarstjóra, kynnast nýjum krökkum og fjölbreyttri tónlist. 

A sveit (A1 og A2)

A sveitin er skipuð yngstu nemendunum, oftast í 3. – 5.bekk. Nemendur taka sæti í A1 á fyrstu önn námsins en færast yfir í A2 ári seinna. A1 æfir einu sinni í viku í 50 mínútur í senn og A2 einu sinni í viku í 60 mínútur. 



Stjórnendur A sveitar eru Ragnheiður Eir Magnúsdóttir, Þorvaldur Halldórsson og Þórarna Salóme Brynjólfsdóttir. 

B sveit

B sveitin er skipuð nemendum í 6. – 7. bekk eða þegar viðeigandi hæfni er náð til að taka sæti í sveitinni. B sveitin æfir einu sinni í viku í 75 mínútur. 

Stjórnendur B sveitar eru Harpa Jóhannsdóttir og Magnús Már Newman. 

C sveit

C sveitin er skipuð nemendum í 8. bekk og eldri eða þegar nemendur hafa lokið grunnprófi á sitt hljóðfæri. Sveitin leikur við ýmis hátíðartilefni utan skólans, t.d. á Ljósanótt, 17. júní, sumardeginum fyrsta og í kringum jólahátíðina. C sveitin æfir einu sinni í viku í tvær klukkustundir. 

Þessi sveit er opin öllum þeim sem hafa áhuga á að spila með jafnvel þó að þeir stundi ekki nám við skólann. Hafa má samband við stjórnendur sveitarinnar fyrir frekari upplýsingar.

Stjórnendur C sveitar eru Ragnheiður Eir Magnúsdóttir, Þorvaldur Halldórsson og Þórarna Salóme Brynjólfsdóttir.